so' bammenella 'e copp' 'e quartiere (1919) versi e musica di RAFFAELE VIVIANI So' Bammenella 'e copp' 'e Quartiere: pe' tutta Napule faccio parla' quanno annascusa p' 'e vicule, 'a sera, 'ncoppo 'o pianino me metto a balla'. Veco 'a 'mbulanza, int'a niente m' 'a squaglio E si m'afferra me torna a lassa'! 'Ncopp' 'a Quistura, si 'e vvote ce saglio, e' pe' furmalita'. Cu 'a bona maniera faccio cade' 'o brigatiere, piglio e lle vengo 'o mestiere: dico ca 'o tengo cca'. 'O zallo s' 'o mmocca, l'avota 'a capa e s'abbocca, ma nun appena me tocca, me n'ha da manna'. Me fanno ridere cierti perzone quanno me diceno: Penza pe' tte! Io faccio 'ammore cu 'o capo guaglione e spengo 'e llire p' 'o fa' cumpare'. Sto sotto 'o debeto, chisto e' 'o destino: ma c'e' chi pava, pircio' lassa fa'. Tengo a nu bello guaglione vicino ca me fa rispetta'! Chi sta 'int' 'o peccato ha da tene' 'o nnammurato ch'appena doppo assucciato, s'ha da sape' appicceca'. E tutte 'e sserate, chillo m'accide 'e mazzate! Me vo' nu bene sfrenato, ma nun 'o da' a pare'! Mo' so' tre mise ca 'o tengo malato, sacc'io che spenno pe' farlo sana'! Pero' 'o Dottore cu me s'e' allummato, pe' senza niente m' 'o faccio cura'. E tene pure 'o mandato 'e cattura. Priesto 'a 'mbulanza s' 'o vene a piglia'. Io l'aggio ditto: sta' senza paura, pe' tte ce stongo io cca'! Cu 'a bona maniera faccio cade' 'o brigadiere. Mentr'io lle vengo 'o mestiere, isso have 'o canzo 'e scappa'. Pe' mme 'o 'ssenziale e' quanno me vase carnale. Me fa scurda' tutt' 'o mmale ca me facette fa'!